Duha ka mga persona ang nagkalamatay samtang walo ang pilason bangud sa mabaskog nga pag-ulan kag makusog nga hangin tuga sang Typhoon Julian.
Sa data sang National Disaster Risk Reduction and Management Council (NDRRMC), isa ka fatality ang nagikan sa Region 1 ukon sa Ilocos Region samtang ang isa naman ang nagikan sa Cordillera Administrative Region (CAR).
Ang walo ka mga pilason nga mga persona ang lunsay nagikan sa Region 2 ukon Cagayan Valley.
Isa naman ka persona ang kumpirmado nga missing bangud kay Typhoon Julian.
Nareport man sang NDRRMC ang kabug-usan nga 363 ka mga nagkalaguba nga mga pamalay sa Regions 1, 2 kag CAR.
Samtang, nagdangat naman sa 526.7 hectares sang pananum nga may kabug-usan nga P35,209,440.81 sa Region 1 ang nagkalaguba santo sa report sang Department of Agriculture.
