Nakita na ang 30 anyos nga magingisda nga namissing sa ciudad sang Sagay, Negros Occidental sang Hulyo 17.
Sa interview sang Bombo Radyo Bacolod kay Lt Junior Grade John Hoffer Olis, spokesperson sang Coast Guard Northern Negros Occidental, ang bangkay ni Glen Trejeros sang Purok Crotons, Old Sagay, Sagay City sa Sampanil Island sa Barangay Old Sagay sa nasambit nga ciudad.
Interview with LT JUNIOR GRADE JOHN HOFFER OLIS, SPOKESPERSON SANG COAST GUARD NORTHERN NEGROS OCCIDENTAL
Siya ang nasapwan sang residente sang nasambit nga isla kag ginpahibalo sang Bantay Dagat ang katapo sang Philippine Coast Guard-Station Northern Negros.
Suno kay Olis, positibo nga gintumod sang pamilya nga ang nasapwan amo si Tejeros.
Samtang nakita naman ang bangkay sang anay seaman nga naanod sa suba sa ciudad sang Himamaylan sa banwa sang Binalbagan nga wala naman sang kabuhi.
Sa pihak nga bahin, padayon pa nga ginapangita ang mangingisda nga namissing sa Cadiz City, Negros Occidental.
Ginpahayag man ni Olis nga suspended ang biyahe sang pila ka mga fastcraft nga nagabiyahe sa banwa sang EB Magalona kag ciudad sang Escalante, Negros Occidental.
