Naangkon sang 20 anyos nga chess player nga si Daniel Quizon ang Grandmaster title matapos nga malutos sini si grandmaster Igor Efimov sa 45th FIDE Chess Olympiad nga ginpatigayon sa BOK Sports Hall sa Budapest, Hungary.
Si Quizon nga tumandok sang Cavite ang ika 17 nga chess grandmaster sa Pilipinas.
Ang ulihi nga GM sang pungsod amo si Oliver Barbosa kag Richard Bitoon sang tuig 2011 kag tuig 2017 si Janelle Mae Frayna naman amo ang pinakauna nga babayi nga nangin grandmaster sa Pilipinas.
Sang Agosto 2018, nakuha ni Quizon ang International Master (IM) title matapos ini nagdaog sa Eastern Asian Juniors Open Championships sa Gangneung, South Korea sa 7.5 points sa nine rounds.
Pagkasunod nga tuig, naqualify naman ini sa Southeast Asian (SEA) Games, apang wala ini nakakuha sang spot sa podium.
Bangod sa handum sini nga makuha ang grandmaster title, nag-ensayo ini kag ginkumpleto ang tatlo ka standard qualifications para makuha ang title.
Natigayon sini nga nadaog ang AQ Prime ASEAN Chess Championship, Open division title sa Eastern Asia Juniors and Girls Chess Championship kag Hanoi Grandmaster Chess Tournament sa Vietnam.
