20 ka job order kag isa ka regular employee sang San Carlos City government, nagpositibo sa surprised drug test

Nagpositibo sa surprised drug test ang pila ka empleyado sang San Carlos City government.

Suno kay Ana Liza Macaraya, focal person sang San Carlos City Anti-Drug Abuse Council (SCADAC), humalin sang Agosto tubtob sa Disyembre 2, kun sa diin sa 21 nga nagpositibo isa diri ang regular employee samtang ang 20 naman ang mga Job Order.

Suno diri ang mga JO nga nagpositibo humalin sang Enero tubtob Agosto ang nakakas na sa listahan sang JO employees.

Ang mga nagpositibo naman humalin sang Nobyembre 2 ang automatic na nga kakason sa trabaho apang bangod nga nagahilapit na ang paskwa sila ang ginpahanugotan nga magtrabaho tubtob na lamang subong nga tuig.