Ginpahayag sang Philippine National Police–Criminal Investigation and Detection Group (PNP-CIDG) nga pasakaan nila sang kaso si Senator Robin Padilla kag iban pa bangud sa gina-alegar pagbulig kay Senator Ronald “Bato” dela Rosa nga makalikaw sa mga otoridad.
Santo sa CIDG, ang reklamo nga paglapas sa Presidential Decree No. 1829 ukon obstruction of justice ang isumiter sa Department of Justice (DOJ).
Ginpaathag sang CIDG nga indi simple nga pagsakay sa salakyan ang natabo kundi isa ka planado kag koordinado nga paggwa sa Senate building sang tinalikdan nga Mayo 14, nga may kaupod nga backup vehicle.
Samtang, nagpagwa man sang pahayag sa social media si Padilla sa diin nagpasalamat ini sa Dios kag ginpabutyag ang iya nga pagtuo sa tunga sang isyu.
