28 anyos nga driver, patay matapos maglumpat sa truck nga nadulaan sang prino sa banwa sang Calatrava

‎Patay ang 28-anyos nga driver nga naglumpat sa iya truck nga nadulaan sang preno sa Sitio Yamingon, Barangay Minapasuk, Calatrava, Negros Occidental alas-10:00 sang aga sang Marso 18.

Ang biktima naga edad sang 28, kasado kag residente sang nasambit nga lugar.

Sa inisyal nga impormasyon, ang biktima nagamaneho sang Isuzu truck nga may karga nga tubo sang hinali ini nadulaan sang preno.

Gintunguhaan sang biktima nga maglumpat halin sa truck apang nag-igo sa bato ang iya ulo nga nagresulta sa iya kamatayon.

Gilayon ini nga gindala sa Calatrava Health Center apang gindeklarar nga dead on arrival.