Pilason ang apo matapos nga ginbuno sang kaugalingon nga lola sa Sitio Apitong, Barangay Bi-ao, Binalbagan, Negros Occidental.
Sa interview sang Bombo Radyo Bacolod kay Police Major Ellendie Rebusquillo, hepe sang Binalbagan Municipal Police Station, ang biktima ang ginkilala kay Ronel Repure, 29 anyos kag residente sang nasambit nga lugar samtang ang suspetsado naman amo si si Gloria Galarga, 70 anyos, kag residente man sang nasambit nga lugar.
Suno kay Rebusquillo, antes pa man ang insidente, makapila na ka beses nga nagbalik ang apo sini sa iya nga lola agud nga mangutang sang ilimnon sa iya tiangge.
Bangud mahimo nga naling-an na ang lola, nagkuha ini sang kutsilyo kag ginbuno ang biktima.
Suno sa hepe, masabad ang biktima kun siya ang mahubog.
Sa karun, ginapangita pa ang lola matapos nga ini ang nagpalagyo samtang ang biktima ang ginsaylo na sa Corazon Locsin Montelibano Memorial Regional Hospital.
