Kapin P3.4 million nga balor sang suspected shabu ang nakompiskar sa joint buybust operation sang Philippine Drug Enforcement Agency kag Philippine National Police sa Purok Riboma, Brgy.Banilad, Dumaguete City, Negros Oriental.
Natigayon nga maaresto si Ronald Japon, 37 anyos, single, high value target kag residente sang Brgy. Mangnao, Dumaguete City, Negros Oriental sang Lunes sang gab-i.
Ang suspetsado ang nagatrabaho nga line man kag driver.
Nakuha sa paghinakop sini ang isa ka sachet sang suspected shabu bilang buybust item, tatlo ka pack sang suspected shabu sa iya possession kag duha ka nahigtan nga plastic nga may unod nga suspected shabu nga nagabug-at sang 500 grams nga may yara sang standard street value of P3, 400, 000.00; P100,000.00 buy-bust money; 1 black sling bag; driver’s license kag motorsiklo.
Ang suspetsado yara na sa paghinakop sang otoridad kag natalana nga pasakaan sang kaso nga sa paglapas sa Sec. 5 kag 11 of RA 9165 ukon Comprehensive Dangerous Drugs Act of 2002.
Ang operasyon ang ginpatigayon sang sPhilippine Drug Enforcement Agency-Negros Oriental Police Provincial Office (PDEA-NORPO) kag Philippine Drug Enforcement Agency-Negros Occidental Police Provincial Office (PDEA-NOCPO) kag City Drug Enforcement Unit-Dumaguete City Police Station.
