Nag-abot pinaagi sa military plane ang dugang nga mga medical supply kag personal protective eguipment (PPE) nga igahatag sa mga health workers kag frontliners.
Nag-abot sang martes, March 31 sa Silay International Airport ang dugang nga medical supply kag mga PPE’s nga ginpreparar para sa mga frontliners kag health workers para sa area nga yara sa region 6.
Suno kay Col. Inocencio Pasaporte, Commander sang 303rd Infantry Division, gindala ang 30 ka boxes sang medical supply kag PPE’s pinaagi sa C2-95 cargo aircraft sang Philippine Airforce nga naghalin pa sa Villamor Air Base sa Pasay.
Kaupod ang Philippine Army, ini ang nagserbe nga dugang nga manpower kag amo man nga transportation assistance sa pagahimuon nga pagdul-ong kag pagkuha sang mga supply.
Ang mga supply ginpadala bilang dugang nga bulig sa mga frontliner kag health workers nga ginabutang sa alang-alang ang kabuhi para matapna ang paglapta sang coronavirus disease 2019 (COVID-19).
Ang mga supply sang medical equipment kag PPE’s pagatungaon sa mga nasakupan sang Region 6.
Gikan sa Negros igadul-ong ini sa Ilo-ilo nga sakop man sang Region 6.
Ginpanugyan man ni Pasaporte nga ang magapanagtag sang supply amo ang yara sa Office of Civil Defense (OCD), kag magatunga man sa kung pila ang makadto sa bilog nga Region 6 kag pila ang sa probinsya.
