Masobra 300 ka South Koreans ang nalakip sa 475 ka mga tawo nga gin-aresto sang US immigration officials sa isa ka raid sa Hyundai-LG battery plant nga ginatukod sa southern US state sang Georgia.
Ini ang ginkumpirmar sang foreign minister sa Seoul.
Una na nga ginpahayag ni Steven Schrank, ang Homeland Security Investigations special agent sa Atlanta, nga ang operasyon sang nagligad nga Huwebes ang pinakadako nga single site raid nga ginpatigayon sa nationwide anti-migrant drive ni US President Donald Trump.
Ang raid ang nag-ugat sa criminal investigation sa mga alegasyon sang iligal nga employment practices kag seryoso nga federal crimes sa Hyundai Motor-LG Energy Solution joint venture plant sa Ellabell.
Suno kay Foreign minister Cho Hyun, gina-imbestigaran na ang amo nga butang.
Pahayag niya, magapadulong siya sa Estados Unidos agud nga mag-istorya sa Washington kun kinahanglan.
