Sa labing una nga kahigayunan, duha ka Filipino-American players ang magaatubangay sa maragtas sang NBA Finals.
Makaatubang ni Dylan Harper sang San Antonio Spurs si Jordan Clarkson sang New York Knicks sa serye para NBA title.
Madumduman nga nag-abanse ang Spurs sa finals matapos ginlutos ang defending champion nga Oklahoma City Thunder sa best-of-seven sa Western Conference Finals kahapon sa score nga 111-103, samtang gin-sweep naman sang Knicks ang Cleveland Cavaliers sa Eastern Conference Finals.
Ini ang kadalag-an man para sa mga Filipino basketfall fans bangud sanday Harper kag Clarkson ang pareho nga Pinoy kag lunsay mangin kabahin sang pinakadako nga entablado sang NBA.
Maga-umpisa ang NBA Finals sa Huwebes, Hunyo 4 (oras sa Pilipinas) sa San Antonio, Texas.
Ini man ang labing una nga match sang duha ka team sa Finals humalin pa sang 1999 sa diin nagkampeon ang Spurs sa serye nga 4-1.
