34 ka mga suldado sa 94th Infantry Battalion sa idalum sang 303rd Infantry Brigade sang Philippine Army ang napromote sang ranggo.
Ang promotion ceremony ang ginpatigayon sa Barangay Tambo, Ayungon, Negros Oriental kag ginpangunahan ni Lt. Col. Van Donald Almonte, commanding officer sang 94th IB.
Ang mga napromote ang ginalakipan sang duha ka officers kag 32 ka mga enlisted personnel.
Kalabanan sa mga ini ang madugay na sa hanay kag nakapakita sang maayo nga performance.
Magluwas sa promotion, kadungan man nga ginpatigayon ang turn over ceremony para sa Delta Company kag Headquarter Service Company.
Ginhatagan man sang tribute sa nasambitan nga aktibidad ang mga manugretiro na nga mga katapo sang 94th IB.
Sa mensahe ni Almonte, ginpahanumdom sini sa mga suldado nga ang promotion ang indi lamang para sa pag-angkon sang mas mataas nga otoridad, bangod ang pagbatun sini ang may kaupod nga mas dako nga responsibilidad.
