Indi magnubo sa 36 ka mga persona ang nagkalamatay kag 140 ang napilasan sa missile strikes nga ginlunsyar sang Russia sa pila ka mga ciudad sa Ukraine.
Duha ka mga persona ang nagkalamatay sa Ohmatdyt Children’s Hospital, ang pinakadako nga pediatrices facility sa Ukraine kun sa diin ini ang nagsuprer sang major damage sang nagluntad ang paglupok.
Ginpanginwala sang Russia nga ila gintarget ang ospital kag ginpahayag nga ini ang naigo sang mga fragments sang isa ka Ukrainian air defence missile, samtang suno naman sa Ukraine, nakit-an sini ang mga remnants sang isa ka Russian cruise missile.
Suno kay Lesia Lysytsia, isa ka doktor sa nasambit nga ospital, kapin 60 tubtob 70 porsyento sang ospital ang nahalitan.
Suno sa alkalde sang Kyiv, duha sa mga nagkalamatay sa ospital ang mga adults kun sa diin ang isa ang doktor.
Ginakahangaw-an sang mga rescuers nga mas madamo pa nga mga persona ang natrap sa idalum sang mga debris.
