39 tanan ka mga pamalay sa Bacolod Old Airport sa Barangay Singcang, Bacolod City, ang apektado sa patigayunon nga development sa 20 hectares nga property nga ginapanag-iyahan sang SM Prime Holdings.
Sa interview sang Bombo Radyo kay Atty Caesar Distrito sang Barangay Singcang, may yara sang agreement sa tunga sang SM Prime Holdings kag sa mga residente nga tubtob na lamang sa Abril 30 tuig 2024 ang pagtinir sang mga apektado nga residente sa area.
Suno diri, hatagan sang oras ang mga residente nga sila makahalin na sa area basta tubtob na lamang sa Abril 30.
Magabaton man ang 39 ka mga household sang tag P25,000 nga cash assistance gikan sa SM Prime Holdings kag magabaton man sila sang cash assistance gikan naman sa ciuadad.
Wala naman nagbaton sang relocation ang mga residente bangod luyag nila nga magpabilin sa gihapon sa Barangay kag didto na lamang mangita sang salayluhan.
