BACOLOD CITY – Nakapiyansa na ang apat sa pito ka mga kalalakin-an nga gikan sa prominente nga mga pamilya sa Negros nga nagkaladakpan sa buy bust operation sa Planta Centro Hotel sang tinalikdan nga Miyerkules sang gab-i.
Sa pagpadulong sang Bombo Radyo sa Police Station One kun sa diin ginhunong ang pito, tatlo na lamang ang nabilin didto nga ginalakipan nanday Dindo Barcillo, nga amo ang subject sang operasyon kag ginakabig second high value target sa Negros Island Region, Carl Ocampo kag Robert John Herman, nga lunsay ginpasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002.
Nahatagan naman sang temporaryo nga kahilwayan sanday Nico Manuel Luis Lizares, Micheal Nicholas Zayco, Marvin Magno, kag Mariano Villarosa matapos nga siya ang nakapiyansa.
Nahibaluan nga duha ka bulto sang shabu kag isa ka 38 caliber revolver ang nakuha sa mga suspetsado.
