Napaslawan nga makapasulod sang puntos si 4-time NBA champion Klay Thompson sa iya una nga hampang bilang Dallas forward.
Sa nangin hampang sa tunga sang Dallas Mavericks kag Los Angeles Clippers, naghampang ang sharpshooter sa sulod sang 21 minutes apang wala sang bisan isa nga nakasulod nagikan sa iya siyam nga attempts.
Tatlo lamang ka rebounds kag isa ka assist ang naamot sini sa Dallas nga dalayon man nga ginpierde sang Clippers sa score nga 110-96.
Si Klay ang isa sa mga starter sang Dallas apang indi sini kaupod ang iban nga star sang team nga sanday Kyrie Irving kag Luka Doncic nga sa karun nagapahuway.
Samtang nagpakitang gilas naman ang bench sang Clippers nga si Kevin Porter Jr. sa iya nga 18 points 5 rebounds kag anum ka assists sa sulod sang 19 mins nga paghampang.
Bigtime double-double man ang ginhimo sang sentro sang team nga si Ivica Zubac nga nag-amot sang 12 rebounds kag 11 points.
