Wala sa gihapon makapauli tubtob sa karun ang 43 anyos nga si Joemon De Jesus Narag sang Barangay E. Lopez new site, Silay City matapos nga mamissing sadtong Agosto 30 sang gab-i.
Sa interview sang Bombo Radyo Bacolod kay Lilibeth Billiones, ginareview pa sang mga kapulisan sa ciudad sang Silay ang mga CCTV footages agud nga makakuha sang impormasyon kag masolbar ang kaso sang pagkadula ni Narag.
Suno kay Billiones, antes pa man namissing si Narag, sang Agosto 30 sang aga naglisensya pa nga makadto sa headquarters kag nakapauli pa sa balay sini sa Barangay E. Lopez.
Gintawgan man si Narag sang ila iloy bangud wala na nakabalik sa ila balay apang nagsabat naman ini nga nagderecho na pauli sa ila nga balay E. Lopez bangud may ginadalian ini.// Wala man ini sang dala sang naglakat kag mahimo nagsuksok sang helmet bangud nagpadulong ini sa bangga airport.
Ginpahayag man nga drug surrenderee si Narag kag may yara man nga ginapahayag nga nagaupod-upod diri nga menor de edad.//Suno kay Billiones, may estorya man ini nga nabatian nga may yara sang nagpaandam diri nga likawan ang mga menor de edad bangud mahimo nga madalahig ini sa pasakaan sang kaso nga Child Abuse.
