Patay ang 44 anyos nga lalaki matapos ginbuno sa Sitio Minisca, Brgy. Gahit, EB Magalona, Negros Occidental sang Sabado, Disyembre 3, 2022.
Sa interview sang Bombo Radyo Bacolod kay Police Major Kenneth Gratones, hepe sang Enrique B. Magalona Municipal Police Station, ang biktima ang ginkilala kay Renante Tuting, kasado samtang ang suspek ang ginkilala kay Loyd Richard Tuting, 19 anyos, kag lunsay mga residente sang nasambit nga lugar.
Suno kay Gratones, ang suspek ang hinablos sang biktima kasubong man step father na sini matapos nga ginpangasawa sini ang iloy sang suspek.
Suno sa hepe, ang biktima ang masami lamang nagapauli nga hubog nga ginasukmatan ang suspek kun sa diin mahimo nga napuno na ini nga nagresulta sa pagbuno sa biktima.
Ang biktima ang nakaagom sang pila ka samad sa likod kun sa diin gindala pa sang nagresponde nga rescue team sang banwa sa Teresita Provincial Hospital agud madapatan sang pagbulong apang gindeklarar nga dead on arrival.
Naaresto naman sang mga kapulisan ang suspek kag nakahunong na sa custodial facility sang EB Magalona Municipal Police Station kag natalana nga pasakaan sang kaso.
