45 ka pamilya ukon 180 ka indibidwal ang nagapabilin sa La Castellana National High School matapos nga magevacuate kasunod sang
nagluntad nga paglupok sang Bulkan Kanlaon kag pag-ilig sang lahar.
Sa interview sang Bombo Radyo Bacolod kay Kelly Menionuevo, camp manager sa La Castellana National High School, maayo ang sitwasyon sang mga evacuees.
Suno kay Menionuevo, nagpatigayon man sila sang mga programa kaangay sang hot meal feeding program nga ginpangunahan sang Negros Occidental Provincial Social Welfare and Development Office (PSWDO).
Suno diri, ang mga bulig ang nag-alalabot naman kaangay sang tubig kag foodpacks.
Suno kay Menionuevo, naghatag man sang free check up ang katapo sang provincial health office.
Yara man ang mga kapulisan nga nagaassists kag nagasiguro sang kalinong kag katawhay sa mga evacuation centers.
Kahapon, nagpa gwa ang alkalde sa banwa sang La Castellana sang executive order agud nga magpatuman sang curfew sa banwa kasunod sang pagluntad sang paglupok sang Bulkan Kanlaon sang Lunes, Hunyo 3 kag pag-ilig sang lahar sang Miyerkules, Hunyo 5.
