Nagtuyo pa nga magpalagyo ang gina-alegar nga miyembro sang New People’s Army nga nadakpan sa checkpoint operation kasunod sa nagluntad nga engkwentro sa Barangay Tamlang, Escalante City, Negros Occidental.
Sa interview sang Bombo Radyo kay Lt Col Florencio Fajardo, sang ginpahibalo sila nga may nagluntad nga engkwentro, gilayon sila nga nagpatigayon sang checkpoint.
Suno diri, nalagyo sa checkpoint si Junril Bacalso kun sa diin ginbilin sini ang iya motorsiklo kag nagdalagan apang nalaot ini sang mga kapulisan.
Nakuhaan ini sang armas-luthang, explosive device kag illegal nga droga.
Suno kay Fajardo, si Bacalso ang nagbulos kay Joseph Moso Bindoy nga ginakabig nga drug group leader nga napatay sa engkwentro batok sa otoridad sa Sitio Napulangan 2, Brgy Jonob-jonob, sa nasambit nga ciudad sang Abril 15.
Suno pa diri, may koneksyon sa makawala nga grupo si Bacalso apang indi pa makumpirmar kun NPA man ini kag posible nga nalakip ini sa nakapalagyo sa nagluntad nga engkwentro sang Abril 15.
