47 ka pamilya ukon 130 ka mga indibidwal ang apektado sa sunog nga nagluntad sa Purok Tambi palad, Barangay 10, Bacolod City.
Sa interview sang Bombo Radyo kay Punong Barangay Melvin Bravo, sa ila nga assessment 25 tanan ang may totally damaged nga balay, pito ang may partially damaged, duha ang sharer kag pito ang renter.
Suno diri, temporrayo nga nagtinir sa daycare center ang mga biktima sang sunog apang lima lamang ka pamilya ang nagpadulong didto bangod kalabanan may mga pamilya man nga mahimo nila matiniran.
May yara sang isa ka Brgy Kagawad nga napaso matapos nga mapaso sang may naglupok apang wala mahibaloan kun bala kuryente ukon butane.
May isa man ka babayi nga napaso sang nagbalik sulod sa ila balay para salbaron ang ila ido.
Pahayag ni Bravo, indi electrical in nature ang ginhalinan sang kalayo bangod wala sang kuryente sa balay.
