Naglab-ot sa kabug-usan nga 490 ka kilo sang spaghetti wires ang tigayon nga nakuha sa mga dalan sang Burgos kag Lacson sang Sabado, Setyembre 10.
Ini ang kasunod sang ginpatigayon nga pagpanghawan sang Bacolod City Task Force Spaghetti Wires nga ginabug-usan sang Bacolod Traffic Authority Office, Central Negros Electric Cooperative, Department of Public Services kag mga telecommunication companies.
Isa man ka kongkreto nga poste ang ginpahamtang bulos sa nagahilay nga poste sang kuryente sa tung-an sang mall kag bangko sa Dalan Gatuslao.
Ang Task Force nagapadayon sa pagpanghawan sang sobra, daan kag wala na naga-function nga mga telco wires kag subong man mga poste para sa safety sang publiko kag para sa mas matinlo nga ciudad.
Ang pagpanghawan sang spaghetti wires ang kabahin sang eight-point agenda ni Mayor Albee Benitez sa first 100 days sini sa pwesto.
