Ibalik na sang Bacolod City government ang 5 days work week umpisa subong nga semana.
Suno kay Mayor Greg Gasataya, naesturya sini si Secretary of the Interior and Local Government Jonvic Remulla kun sa diin mapaggwa ini sang memorandum para sa 5 days work week kag ang Bacolod City government mapaggwa man sang Executive order.
Suno diri, bisan nga ibalik na ang lima ka adlaw nga trabaho nagpasalig ini nga maconserve man sila sa gihapon sang kuryente kag expenses.
Madumduman nga sang ginpatuman ang 4 days’ work week nag-umpisa alas- 8:00 sang aga ang trabaho tubtob alas- 7:00 sang gab-i humalin Lunes tubtob Huwebes kag wala na sang opisina kun Biyernes.
Apang, gin-islan naman ini kun sa diin ang trabaho naga-umpisa alas- 8:00 sang aga tubtob alas- 5:00 sang hapon humalin Lunes tubtob Huwebes kag work from home kun Biyernes.
