51 ka stall sa Asenso Market sa Barangay Alijis, Bacolod City natalana nga idemolish

Natalana nga idemolish ang 51 ka stall sa Asenso Market sa Barangay Alijis, Bacolod City.

Suno kay Atty Vanessa Encabo, Spokesperson sang Bacolod City Legal Office, nagpadulong kahapon sa City Legal Office ang 31 ka vendors para mag-ayo sang extension sa ila nga pagbaligya sa lugar apang gin-abisohan sila nga dapat may yara sila sang special permit halin sa Sangguniang Panlungsod.

Suno diri, kun wala sila sang may masecure nga special permit, matigayon nga pahalinon sila sa Marso 10.

Suno kay Encabo, nakahibalo na ang mga vendors nga ginapanag-iyahan sang ciudad ang area kag indi pwede nga magplastar sila didto para magbaligya.

31 ka mga vendors ang pahalinon sa area samtang ang 20 naman ka stall ang naclose na.