BACOLOD CITY — Ginkilala sang provincial government sang Negros Occidental ang anom ka mga Negrense may kaangtanan sa pagdumdom sa Cinco de Noviembre.
Sa seremonya nga ginpatigayon sa social hall sang Negros Occidental Provincial Capitol kagab-i, ginhatagan sang pasidungog ang outstanding nga mga Negrosanon.
Nalakip sa mga nagbaton sang Pasidungog Award, nga amo ang pinakamataas nga pagkilala sang Provincial Government sa mga Negrense, amo ang mag-asawa nga sanday Joey kag Christina Gaston sang banwa sang Manapla para sa entrepreneurship and livelihood promotion.
Ginpasidunggan man si Interior Undersecretary Austere Panadero sang Sagay City para sa government service; kag Margarita Fores sang Bago City, nga descendant sang Negrense revolutionary leader nga si General Juan Araneta, para sa culinary tourism.
Nagbaton man sang pareho nga pagkilala si Ramon Hofileña para sa culture and arts; kag Tony Meloto sang Bacolod City, nga amo ang founder sang Gawad Kalinga, para sa civic and humanitarian works.
Nahibaluan nga ang kahiwatan para sa Cinco de Noviembre, nga isa ka special non-working holiday sa Negros Occidental, ang ginpatigayon kahapon bangud nagtuon ini sa Domingo.
