Ginpatigayon ang “Bawat Barangay Makikinabang” Program sang Office of the President sa Panaad Park and Stadium sa ciudad sang Bacolod kahapon, Hulyo 31.
Ang aktibidad ang ginpangunahan ni Cabinet Secretary Benhur Abalos Jr, samtang yara man si Office of the President Assistant Secretary Rea Uy Epistola.
Luwas kay Negros Occidental Governor Eugenio Jose “Bong” Lacson, yara man ang mga opisyales sa Provincial Government, Barangay officials sa 601 ka Barangay sa probinsya, kag ang tig-lima ka mga napilian nga scholars sa kada Barangay.
May yara man sang nagtambong nga mga Kongresista sang Negros Occidental.
Suno kay Assistant Secretary Rea Uy-Epistola sang Office of the Exective Secretary, nagpatigayon sila sang provincial role out sang Bawat Barangay Makikinabang (BBM) program sang Office of the President.
Suno kay Epistola, ang tanan ang makabenepisyo sa nasambit nga programa bangud para ini sa tanan.
Suno diri ang kada Barangay ang nakabaton sang P200,000 kun sa diin P100,000 para sa lima ka scholars ukon tig-P20,000 sa kada estudyante kag ang nabilin nga P100,000 ang para sa priority development projects sa idalom sang Bawat Barangay Makikinabang Presidential Assistance sa Barangays program.
Dugang pa sini nga katuyuan sang nasambit nga programa amo ang mahatag ang bulig sang national government sa mga pumuluyo.
Ang kabug-usan nga balor ang nagdangat sa P120,220,000.
Ang budget ang magikan sa Office of the President, idownload sa Negros Occidental Provincial Government, kag ang Provincial Government na ang magapanagtag sa kada Barangay.
