62 ka persona, napatay sa lapnagon nga pagbaha sa Kenya

Ginabanta yara sa 62 ka indibidwal ang napatay bangud sa grabe nga pag-ulan kag pagbaha sa Kenya.

Halos isa ka semana nga nakaeksperyensya sang mabaskog nga ulan sa Kenya rason nga nag-awas ang mga suba.

Ginsirado naman ang pila ka mga kalsada matapos nga maguba ang taytay sa Nairobi.

Ginapaandam sang interior ministry nga makaeksperyensya sang mabaskog nga pag-ulan kag pagbaha sa masunod pa gid nga adlaw.