Ginreklamo sang 71 anyos nga balo ang nagaduging nga kinawatay sa Barangay Granada, Bacolod City.
Nagdangop sa Ipa-Bombo Ta segment si Lelanie Baranao, residente sang Prk 4, Brgy Granada, Bacolod City, matapos nga ginsulod ang iya nga balay kag ginkawatan.
Suno kay Baranao, gintaban ang iya P25,000 cash, cellphone, relo, mga alahas, mga IDs kag ATM.
Pahayag sini nga sang Oktubre lamang sini nabakal nga cash ang balay.
Suno kay Baranao, pagpauli sini, ginpadlock man sini ang main door, apang wala ini nagdahom nga sarang lamang mabuksan ang sliding window.
Pahayag sa iya sang orihinal nga tag-iya sang balay nga ini ang nakawatan naman sadto sang TV kag aircon.
Suno kay Baranao, nagbugtaw ini alas-11:34 kagab-i agud kuntani magpangihi, apang sang gintsektar sini ang iya nga slim bag, wala na ang iya nga P25,000 kwarta.
Sa pagtsekyar, wala naman sang unod ang iya wallet, relo, alahas, kag ang cellphone sa idalom sang hiligdaan.
Yara naman sa idalom ang iya nga aircon, kag yara pa ang basiyo sang wala na-ubos nga softdrink nga ginbilin sang kawatan sa lababo.
Si Baranao ang isahanon lamang sa balay, apang siya ang madamo sang kaingod balay.
Ginpablotter naman nila sa kapulisan ang insidente, kag suno sa mga ini may-ara na sila sang suspect apang wala sang may mahimo bangod wala man sang ebidensya kag witness.
Sa pihak sini, pahayag ni Baranao nga madamo na sang nakawatan sa ila lugar, apang kalabanan ang sa facebook na lamang nagareklamo.
Panawagan sini sa mga kapulisan nga himuan na sang tikang agud ma-untat ang nagalala nga kinawatay.
Sa pihak nga bahin, panawagan sini sa mga kawatan nga i-uli bisan ang iya na lamang mga mga cards ukon ibilin ang mga ini sa isa ka lugar nga mahapos makita.
