78-anyos nga babayi, nasapwan nga patay sa fishpond sa Sagay City

Patay ang isa ka 78 anyos nga babayi sang ini ang nasapwan sa fishpond sa Purok Cabulacan, Brgy. Rafaela Barera, Sagay City.

Sa impormasyon nga nakuha sang Bombo Radyo Bacolod, ginkilala ang biktima kay Lydia Magbato.

Suno sa imbestigasyon sang pulis, ulihi nga nakita ang biktima nga nagainom-inom apang wala na nakabalik sa balay sini.

Gilayon man nga ginpangita sang himata kag nasapwan na lamang nga wala sang kabuhi sa fishpond.

Yara pa karun sa isa ka funeral homes ang bangkay sang biktima kag nakatalana nga ipadalom sa post mortem examination.