Nakabaton sang award ang masobra 30 ka miyembro sang 79th Infantry Battalion kasunod sa nangin madinalag-on nga operasyon sang militar sa barangay Salamanca, Toboso, Negros Occidental.
Ginpangunahan ni Armed Forces of the Philippines Chief of Staff Gen. Romeo Brawner ang paghatag sang Distinguish Conduct Star award, Military Merit Medal with Spearhead Device, kag Gold Cross medal sa mga suldado.
Sa speech ni Brawner, gincongratulate sini ang tanan nga nakabaton sang award kasubong man ginpasalamatan sini ang iban nga nangin kabahin sang operasyon.
Suno diri, sa karun bangod sa modern technology mahapos na ma-pinpoint ang location sang kontra apang pinaka-importante sa gihapon amo ang kooperasyon sang pumuluyo.
Para sa iya dako ang papel sang mga sibilyan nga amo mismo ang nagapanugid kun diin ang armado nga grupo bangod ginakapoy na sila sa ginahimo sang mga rebelde.
