Walo tanan ka mga kabataan sa probinsya sang Negros Occidental ang gin-operahan sa idalom sang Project Paglaum sang Philippine Heart Center (PHC) kag Corazon Locsin Montelibano Memorial Regional Hospital (CLMMRH).
Ang 3rd Cardiovascular Surgical Mission ang nag-umpisa sang Hunyo 24 kag magatakop sa Hunyo 28.
Gin-operahan ang walo ka mga kabataan nga may complex heart conditions nga nagaedad sang anom tubtob 15 anyos.
Suno kay George Edward Masa, head sang Cardiovascular Health Center, padayon ang pagpabakod sang kapasidad sang CLMMRH para mapatukoran sang heart center nga ginalauman mahimo na sa tuig 2028.
Suno diri, kun may yara na sang kaugalingon nga heart center ang probinsya sang Negros Occidental, mas madali ang paghatag sang serbisyo kag madamo sang mabuligan.
Suno naman kay Dr. Juliet Balderas sang Philippine Heart Center, ang team sang 3rd Cardiovascular Surgical Mission ang ginalakipan sang 23 ka mga miyembro kun sa diin 13 diri ang doktor.
Suno diri, sa probinsya madamo sang nagakadulaan sang kabuhi nga may sakit sa corazon bangod sa kakulangan sang kapasidad kag equipment sa mga ospital.
Suno diri, sa ila nga Cardiovascular Surgical Mission bitbit man nila ang ila mga equipment para mabuligan ang mga pasyente.
Suno naman kay Dr. Julius Drilon, medical center chief sang Corazon Locsin Montelibano Memorial Regional Hospital, ginasiguro sini nga ang ila serbisyo ang available kag accessible sa pumuluyo sang Negros.
