Ginkumpirmar sang pinuno sang Provincial Crop protection Coordinator Section sa Negros Occidental Office the Provincial Agriculturist nga nagdangat sa 83.2 hectares ang nahalitan sang army worms sa ciudad sang Himamaylan sa probinsya sang Negros Occidental.
Sa interview sang Bombo Radyo Bacolod kay Nilo Basco, ang confirmed lang data ang nagikan sa ciudad sang Himamaylan nga ginalakipan sang 80 hectares nga katubuhan kag 3.2 hectares nga kamaisan.
Suno kay Basco, ginapaconfirm pa nila sa karun kun ang report nga nabaton nila nga mga nahalitan nga tubo kag kamaisan sa banwa sang Ilog, Binalbagan kag Isabela nga may 22 hectares nga katubuhan ang tuga sang army worms ukon iban nga mga insekto.
Ang Office of the Provincial Agriculturist ang nagpangayo sa provincial government sang P3 million nga inugbakal sang gamit kag pesticide agud gamiton sa pagpatay sa army worms.
