839 ka mga Philippine Coast Guard trainees ang nakagraduate na gikan sa Coast Guardsman’s Course Class 76-2019 sa Regional Training Center sa Hinobaan.
Suno sa course director nga si Lt. Commander Ramel Cadalzo, ginconvene ang kurso sang Disyembre 28, 2019 sa ciudad sang Bacolod.
Ginsaylo naman ang mga ini matapos ang pagconvene sa Special Operation School Regional Training Center sa banwa sang Hinobaan.
Sa nasambit nga eskwelahan naman ginsuguran ang motivational phase tubtob sa makatapos ang mga trainees sang Pebrero 1, 2021.
Suno kay Cadalzo, sa 839 ka mga nakagraduate nga trainees, pila sa mga ini ang magapadayun sa Coast Guard Special Operations Course nga amo ang mangin driver nga personnel.
Samtang ang indi naman magapadayon sa pag-eskwela ang igadeploy bilang mga dugang nga personnel sa mga coast guard stations kasubong sa distrito sang Negros Occidental kasubong man sa iban nga mga lugar nga ginakulang sang personnel.
Suno kay Cadalzo, nangin mahumok naman ang ginpatigayon nga training apang naglawig ini agud nga maseguro nga fully trained na ang mga personnel antes nga maideploy.
