9-yr-old sa Bacolod, ginaalegar ginhimuslan sang 28 anyos nga tupad balay

Padayon pa nga ginapangita ang 28-anyos nga suspetsado nga gina-alegar nagmolestya sa 9-anyos nga babayi nga tupad balay man lang sini sa ciudad sang Bacolod sadtong nagligad nga Enero 28.

Sa interview sang Bombo Radyo Bacolod kay Women and Children Protection Desk (WCPD) head P/Lt. Arlyn Torrendon, ginpahayag sini nga padayon pa ang ila imbestigasyon kasunod sang pagpa-rekord sang pamilya sang biktima sa ila talatapan.

Ginapahayag nga gindala ang biktima sa isa ka hulot kag gintuslok sang barbeque stick kag ginbutangan sang buka nga botelya ang iya kinatawo.

Suno kay Torrendon, ginpaidalom na kahapon sa medical examination ang biktima agud matumod kun ginmolestyahan gid man ini.

Samtang, padayon sa gihapon nga ginapangita ang suspetsado.