Masobra sa 9,000 ka mga benepisyaryo sa ciudad sang Bacolod nga may partially kag totally damaged nga balay bangod sa bagyo Tino ang nakabaton na sang financial assistance.
Sa interview kay Dr. Ritchelle Verdeprado-Mangga, pinuno sang Department of Social-Services & Development (DSSD)-Bacolod, humalin pa sang Biyernes ang ila pagpanagtag sang ayuda tubtob sa karun.
Suno diri, kahapon yara na sa 9,022 ang nahatagan sang ayuda kag ang napagwa nga kwarta yara na sa P62 million halin sa masobra P114 million nga budget.
Suno kay Mangga, ang wala nakaclaim sa adlaw mismo sang pay out mahimo makakuha sang financial assistance sa Biyernes.
Pahayag sini, wala man sang mga reklamo halin sa mga benepisyaryo bangod nabaton man nila ang insakto nga balor sang ayuda.
Ang partially damaged nga balay nakabaton sang P5, 369 samtang ang may totally damaged naman nga balay nakabaton sang P10,325.
