98 porsyento sang public schools sa bilog nga pungsod ang nagbukas sang klase kahapon suno sa Department of Education.
Suno kay Education Secretary Sonny Angara, kapin 840 ka mga buluthuan nagikan sa nagkalain-lain nga rehiyon ang nagpostpone sang ila mga klase bangud sa impact sang typhoon Carina kag habagat.
Ang nasambit nga mga buluthuan ang sarang nga makapatigayon sang make-up classes kada Sabado para sa missed lessons.
As of 7:00 am, kapin 19 million ka mga estudyante ang naka-enroll na sa mga buluthuan nationwide apang ginalauman sang DepEd nga magadangat pa sa 27.7 million ang numero bangud extended tubtob sa Setyembre 16 ang enrollment activities.
Si Angara ang nagbisita sa Carmona National High School kag Carmona Elementary School sa Cavite sang Lunes agud tsekyaron ang una nga adlaw sang klase.
Ini ang labing una nga kahigayunan nga nagbisita ang isa ka DepEd secretary sa nasambit nga mga buluthuan.
Si Angara ang nagbisita sa mga classrooms agud tsekyaron ang learning methods nga ginagamit sang mga manunudlo.
