33 ka mga centenarian sa Negros Occidental ang magabaton sang 100 mil pesos sa kada isa kadungan sang selebrasyon sang ika-21st Al Cinco de Noviembre sa provincial capitol subong nga adlaw.
Ginkilala ang pinakatigulang nga naga-edad sang 114-anyos kay Margarita Rivera-Navales sang ciudad sang Kabankalan.
Nahibaluan nga walo sa mga ini ang nagtaliwan na sa edad nga isa ka gatos ka tuig apang makabaton sa gihapon sang bulig-pinansyal paagi sa miyembro sang ila pamilya kag pagahatagan man sang posthumous awards.
Magluwas diri, pasidunggan man ang lima ka mga Outstanding Negrosanon, alas-6:00 karon sa gab-i sa Social Hall sang provincial capitol.
Samtang, may yara man nga seremonya nga pagahiwaton sa marker sang corner McKinley Cinco de Noviembre St. sa Barangay 3 sa ciudad sang Silay kag sa ciudad sang Bago.
Ang Al Cinco de Noviembre ang komemorasyon sang Negros Revolution batok sa Spanish colonizers sadtong Nobyembre 5, 1898.
