Ginsabat man ni South Cotabato 2nd District Representative kag Senior Deputy Speaker Ferdinand “Dinand” Hernandez, ang pamangkot ni Bombo Ann Sindol Sorilla angot sa red and yellow alert sang National Grid Corporation of the Philippines (NGCP) nga nangin rason sang power interruptions sang nagliligad nga binulan.
Suno kay Hernandez, magapatigayon subong nga adlaw sang hearing ang Committee on Energy sa ciudad sang Bacolod agud nga diskusyunan ang tanan nga energy concerns.
Suno diri, diskusyunan sa committee ang long term solution sa nasambit nga problema.
Subong nga adlaw ang power generation, electric distribution kag ang transmission ang magatambong sa committee hearing agud nga maplastar ang posible nga solusyon sa ginapangatubang nga problema.
Ang energy summit ang ginduso man ni Bacolod City Lone District Representative Albee Benitez.
