Nagpanindugan si Councilor Vladimir Gonzales nga indi na kinahanglan nga magkuha sang Resolution of NO Objection (RONO) nagikan sa barangay bangud indi reclamation ang ginpaubra sabaylo isa ini ka recovery activity sa iya propiedad sa Purok Bayanihan, Brgy. Banago, Bacolod City nga gin-ab-ab sang tubig-dagat.
Sa interview sang Bombo Radyo Bacolod kay Councilor Vladimir Gonzales, ginpahayag sini nga may yara siya sang permit nagikan sa Department of Environment and Natural Resources (DENR), City Engineers Office kag City Disaster Risk Reduction and Management Office (CDRRMO).
Nagpanindugan man ang konsehal nga pribado ini nga propiedad kag sila ang may kinamatarong sa kun ano man ang luyag nila nga himuon diri.
Dugang pani ni Gonzales nga mahimo pasakaan sini sang kaso si Punong Barangay Ricky Mijares nga usurpation of real estate property bangud nga ginpatampukan niya ini nga wala naglisensiya sa natungdan.
Nagapati man ang konsehal nga gina-politika siya ni Mijares bangud nga suno diri may iban pa nga mga tawo nga nagpatigayon sang reclamation project sa Banago nga wala may ginpakita nga mga permits.
