Natigayon na ang ground breaking ceremony para sa bag-o nga Bacolod Police Station 8 sang Biyernes.
Sa interview sang Bombo Radyo Bacolod kay Police Regional Office – Negros Island Region (PRO-NIR) Director Police Brig. Gen. Rudecindo Reales, ang budget ang sa idalom pa sang Police Regional Office 6, apang ang PRO-NIR na ang maga-implementar.
Suno diri, P10 million ang approved budget para sa proyekto, apang sa bidding ini ang napanubo sa P8 million sang nagdaog nga contractor.
Ang estasyon ang ginbalik sa higad sang Araneta Street sa bahin sang Brgy Tangub.
Sa nasambit nga area man anay natukod ang Bacolod Police Station 8 antes ginsaylo sa Brgy Pahanocoy.
Duha ka panalgan ang itukod nga Police Station kag ini ang may rooftop nga mahimo mapahuwayan sang mga kapulisan.
