Todo na ang preparasyon sang Barangay Tangub nga magapakigbahin sa Arena Dance Competition sang MassKara Festival 2022 nga hiwaton sa Oktubre 23.
Madumduman nga 1st runner-up ang Barangay Tangub sa 2019 MassKara Festival matapos nga ginlutos sang Barangay Estefania.
Sa interview sang Bombo Radyo kay Punong Brgy. Noli Villarosa, padayon ang practice sang mga participants sang Barangay Tangub sugod sang bulan sang Hulyo tubtob sa karun kun sa diin si Ronilo Mabilog ang ila napili nga choreographer.
Suno kay Punong Brgy. Villarosa, pinakauna sa lista sang kinahanglon nila amo ang disiplina, apang iya gin-ako nga mas mahapos kung disiplinahon ang mga kabataankumparar sa may mga edad na.
Bilang preperasyon sang brangay ginahatagan gid sang pagtamod ni Punong Barangay ang iya nga mga performers, parehas sa paghatag sang mga vitamins kag pagpa-exercise sa ila para sa maayo nga kondisyon.
Iya man ginpaandam sa mga dancers niya nga magpreparar sa maabot nga dance competition sa posibildad nga magka-problema, kung sa diin may mga kaso nga nagalipong ang mga participants sa tuman ka init dala sang tiyempo kag sang ila mga costumes.
Gani mahibaluan sa adlaw sang competition ang kaiya-iya nga mga performance sang mga tagsa ka barangay.
