Nagpadangat ang isa ka beneficiary sang Comprehensive Agrarian Reform Program (CARP) sa syudad sang Talisay, Negros Occidental sa Bombo Radyo Bacolod matapos nga ginbutang sila sa listahan sang unacquired apisar nga nakabutang ang pangalan sini sa listahan sang pagahatagan sang Certificate of Land Ownership Award (CLOA).
Sa interview sang Bombo Radyo Bacolod kay Haide Natuel, luyag sini nga makahatag sang sabat si Petronilo “Pete” Tanjusay, pinuno sang Department of Agrarian Reform (DAR) sa syudad sang Talisay, Negros Occidental angot sa pagbutang sa ila sa unacquired apisar nga maathag nga nalakip sila sa pagahatagan sang CLOA.
Suno kay Natuel, nabayaran na sini ang mga dapat bayaran sa duta nga ginatalauma nila sa karun kag indi husto ang ginahambal ni Tanjusay nga indi na sila covered sang CLOA ukon yara na sila sa un-acquired.
Indi man husto ang ginapahimo sa iya ni Tanjusay nga pakadtuon siya sa Land Bank of the Philippines bangud indi na covered sang bangko ang concern sini sa CARP.
Ginpahayag man sini nga ang duta nga ginaestaran sang mga ini nga 1980s pa lang naproseso na ang CLOA.
Luyag lamang sang tagreklamo nga masabat ni Tanjusay ang inquiry sang mga ini nga paano natabo nga nabutang sila sa unacquired nga listahan nga yara na ang pangalan nila sa listahan sang nalakip nga mahatagan sang CLOA.
