Nagpasalamat ang city director sang Bacolod City Police Office (BCPO) bangud wala sang dalagko nga mga insidente nga narekord samtang ginapatigayon ang 43rd Masskara Festival sa syudad sang Bacolod.
Sa interview sang Bombo Radyo Bacolod kay BCPO director Police Col. Thomas Joseph Martir, nangin madinalag-on ang 24 ka adlaw nga selebrasyon sang Masskara Festival.
Suno kay Martir, ginapasalamatan sini ang mga kapulisan kag iban nga law enforcement agencies kaangay sang Philippine Army kag Philippine Coast Guard nga nag-augment sa pagpabilin sang kalinong kag katawhay sa syudad sang Bacolod samtang ginahiwat ang Masskara Festival 2022.
Suno kay Martir, nangin matawhay ang Masskara Festival kag nagpasalamat gid ini sa tanan nga nagkooperar sa ginpatuman nga security plan sang mga kapulisan kag mga law enforcement agencies.
Suno pa diri, Agosto pa lang nagdihon na sila sang Task Force Masskara kag nagdihon sang security plan nga ginpatuman sa Masskara Festival.
Ginpasalamatan man ni Martir ang masobra 1300 ka mga police augmentation force nagikan sa Police Regional Office 6 nga dako ang nabulig sa pagpabilin sang seguridad sang Masskara Festival kasubong man ang mga force multipliers.
Ginpahayag man sang city director sang BCPO nga may yara sila sang advance security plan nga ipatuman sa selebrasyon sang Undas ukon tigkalalag.
