P40-P45 nga saka sa minimum wage sa private sector sa Negros Occidental kag Bacolod City, umpisa na nga ipatuman subong nga adlaw
-- ADVERTISEMENT --

Pagasuguran na subong nga adlaw, Nobyembre 20 ang pagpatuman sang P40 tubtob P45 nga dugang nga sweldo para sa mga minimum wage earners sa Western Visayas lakip na ang Negros Occidental kag Bacolod City.

Madugangan sang P40 tubtob P45 ang sweldo sang mga mamumugon kada adlaw.

P500 kada bulan naman ang mabaton sang mga kabulig sa puluy-an ukon domestic workers.

Sa interview sang Bombo Radyo kay Regional Tripartite Wages and Productivity Board – VI Representative Atty Joseph Brian Perez, mahimo nga mag-apply sang excemption ang mga magagmay nga negosyante sa RTWPB-6 sa Iloilo City.

May yara sang 75 ka adlaw halin sang nangin epektibo ang wage order ang mga kwalipikado nga establisyemento nga makafile snag application para sa excemption.

-- ADVERTISEMENT --

Magatapos ang filing period sa katapusan sang Enero, 2026.

Suno kay Perez, lakip sa mga kinahanglanon amo ang financial statements nga magapakita nga indi masarangan ang pagpatuman sang dugang nga sweldo.

Samtang, ginpanugyan sini sa mga empleyado nga magreport sa Department of Labor and Employment (DOLE) kun wala nagsunod sa ginpatuman nga wage increase ang kumpanya.

Dugang pa, may yara man sang DOLE Hotline 1530 nga mahimo matawgan sang mga emplyado agud ireklamo ang establisyimento.