Nadugangan sang lima ang mga kaso sang Cholera sa probinsya sang Negros Occidental.
Madumduman nga santo sa nakaligad nga Cholera Update sang Negros Occidental Provincial Health Office (PHO), 12 ang mga kaso sang Cholera nga ginalakipan sang lima sa syudad sang Silay, isa sa Victorias, duha sa Talisay kag apat sa banwa sang EB Magalona.
Ini ang naumpisahan sang Setyembre 26 sang nadetect ang una nga duha ka kaso sa Silay City kun sa diin isa ang ginbawian sang kabuhi.
Kasunod sini, amat-amat naman nga nadugangan ang mga nadetect nga mga kaso sa nagkalainlain nga local government unit (LGU).
Nagdangat sa duha ang patay nga ginalakipan sang tig-isa ka residente gikan sa Silay City kag banwa sang EB Magalona.
Sa latest report sang PHO as of October 22, nadugangan sang isa ka kaso ang EB Magalona, tatlo ang nadugang sa syudad sang Talisay samtang nakadetect naman sang isa ka kaso sa banwa sang Calatrava.
Sa latest tally, ang EB Magalona kasubong man ang Silay kag Talisay City ang lunsay may-ara na sang tig-lima ka kaso sang cholera, samtang tig-isa naman ang kaso sa Victorias kag Calatrava.
