Nakaangkon sang pasidungog ang syudad sang Bacolod matapos nga magpangatlo sa Cities and Municipalities Competitiveness Index sa bahin sang mga Highly Urbanized Cities sa bilog nga Pilipinas.
Suno kay Secretary to the Mayor Atty. Joseph Karol Chiu, ang pasidungog ang gin-award sang Oktobre 20 kag ini ang ginbatun mismo ni Bacolod City Mayor Alfredo “Albee” Benitez sa Metro Manila.
Sa Most Competitive: Innovation, nagpanguna ang Quezon City, nga ginsundan sang Manila kag Bacolod City.
Paathag ni Chiu nga ginahatagan sang pasidungog ang local government unit (LGU) santo sa innovative systems kag mga procedures nga gina-adoptar.
Ginpresent nila ang mga innovations nga ginapatigayon sa karun sa syudad kaangay sang computerization kag automation sang processing kasubong man ang mga complaint desk kaangay na lamang sang “Isumbong mo kay Mayor”.
Nahibaluan nga tuigan naman nga ginapatigayon ang nasambit nga pagkilala sa development sang tagsa-tagsa ka LGU sa Pilipinas.
