Patay ang isa ka lalaki samtang pilason naman ang isa pa matapos maglab-anay sa Purok Magazine, Barangay Bago, Don Salvador Benedicto, Negros Occidental, alas-3:00 kaha;on sang hapon.
Ang biktima ang ginkilala nga si Melquizidict Baroy, 62 anyos, residente sa Sitio Magazine samtang ang suspetsado ang ginkilala naman nga si Eddie Mar Baroy, residente sa Sitio Nursery sa kaangay man nga Barangay.
Santo sa Salvador Benedicto Municipal Police Station, nabatun nila ang impormasyon natuhoy sa hacking incident alas-5:00 kahapon sang hapon.
Sa inisyal nga imbestigasyon, nahibaluan nga may nagluntad nga mainit nga argumento sa tunga sang biktima kag suspetsado nga magkaupod sa ila nga uma kag ini ang nagdangat sa lab-anay.
Sa karun ang ginalantaw nga rasun sa paglab-anay amo ang away nahanungod sa duta.
Ang biktima ang naka-agom sang linab-an sa guya kag leog nga nagresulta sa iya nga kamatayon samtang ang suspetsado ang nag-agom naman sang labo sa likod nga gilayon naman nga ginhingagaw sa San Carlos City Hospital para sa pagpabulong.
