Nagpanahumdum ang Bishop sang Diocese of Bacolod sa mga Kristiyano nga ang kabuhi sang isa ka persona ang wala nagatapos sa lulubngan kundi sa langit kaupod ang Ginoo.
Sa misa nga ginpatigayon sa Burgos Public Cemetery kahapon, ginpahayag ni Most Reverend Bishop Patricio Buzon nga tuman katahom ang ginahiwat sa karun nga pagtililipon sang simbahan kag gina-apresyar sini ang ini nga moment maskin simple lamang.
Sa pagsaulog sang All Saints Day, ginpahanumduman ni Bishop Buzon ang mga Katoliko nga ang kabuhi sa kalibutan ang umalagi lamang apang wala ini nagakatapos sa sementeryo.
Suno diri, luyag sang Ginoo nga makaupod ang mga tawo sa langit gani ginhangkat sang obispo ang tagsa-tagsa nga magpangabuhi sang balaan.
Suno sa iya, indi lamang ang mangin santo ang dapat magkabuhi sang balaan kundi ang tagsa-tagsa santo sa mando sang Diyos.
Gindugang pa ni Bishop Buzon nga ang mga santo ang ordinaryo lamang nga mga tawo nga ginahimo sang maayo ang ila mga trabaho bangud ini ang kabubut-on sang Ginoo.
Nagalaom ini nga makit-an sang tagsa-tagsa ang matahom nga plano sang Ginoo sa ila kabuhi.
Nagpanugyan man ini nga magpalanggaanay bangud paagi diri, apisar nga wala nag-agi sa canonization, makabig na ang isa ka persona nga santos kag matuod-tuod nga anak sang Ginoo.
