Aminado ang pinuno sang Bacolod Traffic Authority Office (BTAO) nga isa problema nga ginapangatubang nila sa karun ang mga nagabiyahe kag mga nagacounter flow nga mga e-trike kag e-bike sa syudad sang Bacolod.
Sa interview sang Bombo Radyo Bacolod kay Police Major Junji Liba, sang Lunes sang nakaligad nga semana, madamo man sila sang nadakpan kag naimpound nga mga e-bike bangud wala man ang mga ini sang mga dokyumento nga ipakita.
Suno kay Liba, kada libot sini sa syudad makita nga madamo sang e-bike nga nagalapaw sa mga dalan kun sa diin sila ginapahanugutan nga magbiyahe.
Suno sa pinuno sang BTAO, naghimo ini sang system para sa mga e-bike kun sa diin nagpadulong sa mga barangay kag ginhimuan sang guide ang mga e-bike drivers kun sa diin lamang ang mga ini kutob apang madamo sagihapon sang pasaway.
Ang iban diri ang nagtig-a na ulo bangud gamay lang man ang multa kag mahimo man nila makuha ang ila nga mga units sa tion nga maimpound.
Ginpahayag man ni Liba nga wala na sang kinahanglan nga issuehan sang Temporary Operator’s Permit (TOP) bangud pagnagbiyahe ukon nag-agi ang mga ini sa city roads automatic impound ang mag units sang mga ini.
Suno pa diri, buta naman ang ila nga opisina sang ginpang-impound nga e-bike.
Nagpanugyan man ini sa mga ebike drivers nga magsunod lamang sa pagsulundan nga ginapatuman para sa ila.
