Ginkumpirmar sang tagpamaba sang Department of Education – Division of Negros Occidental nga sa Disyembre 16 ang ulihi nga adlaw sang klase sini nga tuig kag ang Christmas break ang magasugod sa Disyembre 19.
Sa interview sang Bombo Radyo kay Ian Arnold Arnaez, ginpahayag sini nga santo sa DepEd Order No. 4, ang ulihi nga adlaw sang klase amu ang Disyembre 16.
Suno diri, most probably, antes ang Disyembre 16, magapatigayon na sang Christmas Party ang mga estudyante apang posible nga may mga issuances pa tuhoy sa paghiwat sini apisar sang paghalog sang protocols sa COVID-19 sini nga tuig.
Suno sa iya, may yara ang mga manunudlo sang “no collection policy” kun sa diin indi sila pwede nga makapaamot gani kun madayon gid man ang Christmas Party, dapat ang mga ginikanan paagi sa Parent-Teacher Association (PTA) amu ang mangolekta sang alamutan.
Samtang, ginkumpirmar man sini nga sa Enero 4 magabalik ang klase pagkatapos sang Christmas break.
